Միջադեպից գրեթե 24 ժամ անց՝ այսօր Քննչական կոմիտեն «Ազատության»-ը հայտել է, որ երեկ ՊՆ զորավարժադաշտում ականանետային կրակոցի պայթյունից ութ զինծառայող է վիրավորվել, հարուցվել է քրեական գործ Քրեական օրենսգրքի 532-րդ հոդվածի (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը) 1-ին մասով և 550-րդ հոդվածի (զինվորական պաշտոնեական անփութությունը) 1-ին մասով:
Պաշտպանության նախարարությունը երեկ տեղի ունեցած միջադեպից տուժածների թիվը դեռևս չի հրապարակել, խոսնակը միայն տեղեկացրել է, որ նրանց կյանքին վտանգ չի սպառնում։
